कोजागरी

चंदनाचा झुला साजे अंबराचा गारवा

आज पाहू आरशाला पौर्णिमेचा चांदवा

रात्र ओली पाऊलांची पुनवेची पालवी

साद घाली राजसाला झुंबराची काजवी

शुभ्रतेचा साज ल्याला कोरतेचा धुंदवा

आज पाहू आरशाला पौर्णिमेचा चांदवा

झिंग आली नभाला या रंगल्या गवळणी

प्रितीच्या या सुरासंगे भिजल्या अंगणी

आज ओठी मैफलीला अमृतेचा गोडवा

माळरानी धुंद गाणी मारव्याचा गंधवा

आज पाहू आरशाला पौर्णिमेचा चांदवा..

-धनंजय गव्हाले...

कवी परिवार सिल्लोड

-----