कृषीपंपांना सौर विद्युतीकरणासाठी महाकृषी ऊर्जा अभियान

अमरावती : शेता-शेतातील कृषीपंपाच्या सौर ऊर्जेद्वारे विद्युतीकरणासाठी ‘प्रधानमंत्री कुसुम योजना’ व महाकृषी ऊर्जा अभियान जिल्ह्यात राबविण्यात येत असून, शेतकरी बांधवांनी त्याचा लाभ घेण्याचे आवाहन ‘मेडा’तर्फे करण्यात आले आहे.

योजनेची वैशिष्ट्ये :

* पारेषण विरहित 2750 सौर कृषी पंपाची राज्यातील 34 जिल्ह्यात आस्थापना. शेतकऱ्यांना दिवसा सिंचन करणे शक्य होणार.

* शेतकऱ्यांना धारण क्षमतेनुसार 3 एच. पी. डी. सी., 5 एच. पी. डी. सी. व 7.5 एच. पी. डी. सी.अश्वशक्ती सौर पंप उपलब्ध होणार.

* सर्वसाधारण वर्गवारीच्या लाभार्थ्यांचे कृषी पंप किंमतीच्या 10% तर अनुसूचित जाती अथवा जमातीच्या लाभार्थ्यांना 5% हिस्सा.

लाभार्थी निवडीचे ठळक निकष :

* विहीर, बोरवेल, बारमाही वाहणारी नदी ई. तसेच शाश्वत पाण्याच्या स्रोत उपलब्ध असणारे शेतकरी.

* पारंपारिक वीज कनेक्शन उपलब्ध नसणारे शेतकरी.

* अटल सौर कृषी पंप योजना टप्पा – 1 व 2 किंवा मुख्यमंत्री सौर कृषी योजने अंर्तगत अर्ज केलेले तथापि मंजूर न झालेले अर्जदार शेतकरी

* २.५ एकर शेतजमीन धारकास 3 एच. पी. डी. सी., 5 एकर शेतजमीन धारक शेतकऱ्यास 5 एच. पी. डी. सी व त्यापेक्षा जास्त शेतजमीन धारकास 7.5 एच. पी. डी. सी. क्षमतेचे सौर कृषी पंप अनुज्ञेय.

या योजनेच्या सविस्तर माहितीसाठी व ऑनलाईन नोंदणीसाठी http://kusum.mahaurja.com/solar/beneficiary/register/Kusum-Yojana-Componenet-B व www.mahaurja.com या संकेतस्थळाला भेट द्यावी व अधिक माहितीसाठी महाऊर्जा विभागीय कार्यालय,अमरावती दुरध्वनी क्र. 0721 2661610 ई-मेल: domedaamravati@mahaurja.com वर संपर्क साधावा किंवा भेट देण्यात यावी. या योजनेचा जास्तीत जास्त शेतकऱ्यांनी लाभ घ्यावा, असे आवाहन विभागीय महाव्यस्थापक प्रफुल्ल व. तायडे यांच्याकडून करण्यात आले आहे.

—–
(Images Credit : Maharashtra Today)