निखारा

अविद्येने जन्म। घेणारा निखारा ॥

जीवाचा मातेरा। करितसे ॥१॥

विषमता एक । जहरी निखारा॥

होई कोंडमारा । जीवनाचा॥२॥

स्री भ्रूण हत्या । उदरी निखारा॥

कसा हा निवारा। अभ्रकाचा॥३॥

मद्याचा निखारा । जीनव प्रहार ॥

उद्ध्वस्त संसार। दारुड्याचा॥४॥

हुंड्याचा निखारा । संसाराचा घात ॥

वधू जीवनात । हुंडाबळी॥५॥

करुनिया नष्ठ । जीवन निखारे॥

संघर्षाचे वारे । वाहू द्या रे॥६॥

अभंगकर्ता -

प्रा.अरुण बाबारावजी बुंदेले,

रुक्मिणी नगर, अमरावती.

भ्र.ध्व.:-८०८७७४९६०९

Email ID:arunbundele1@gmail.com