स्वातंत्र्यदिनाचा मुख्य सोहळा विभागीय आयुक्त कार्यालयाच्या प्रांगणात

अमरावती : भारतीय स्वातंत्र्याच्या ७४ व्या वर्धापनदिनानिमित्त मुख्य शासकीय ध्वजारोहण सोहळा विभागीय आयुक्त कार्यालयाच्या प्रांगणात रविवार, 15 ऑगस्ट रोजी सकाळी 9 वाजून 5 मिनीटे यावेळी आयोजिण्यात आला आहे. राज्याच्या महिला व बालविकास मंत्री तथा जिल्ह्याच्या पालकमंत्री ॲड. यशोमती ठाकूर यांच्या हस्ते यावेळी ध्वजारोहण होईल.

स्वातंत्र्यदिनानिमित्त जिल्हाधिकारी कार्यालयात जिल्हाधिकारी पवनीत कौर यांच्या हस्ते ध्वजारोहण सकाळी 8 वाजता होईल. सोहळ्यानिमित्त विभागीय आयुक्त व जिल्हाधिकारी कार्यालयाचा परिसर सुशोभित करण्यात आला आहे. कोरोना प्रतिबंधात्मक कार्यवाहीच्या अनुषंगाने सोशल डिस्टन्स आदी बाबींसाठी मार्किंग व इतर व्यवस्था पूर्ण करण्यात आली आहे.