- पाहणार कसा । देव तुझ्याकडे ।
- घातली साकडे । किती जरी ।।
- देव भोळा आहे । भोळे आहे मन ।
- विश्वाचे जतन । तोच करी ।।
- ज्यांनी मायबाप । त्यागले असेल ।
- कठोर बनेल । त्यांच्यासाठी ।।
- भोळ्यासाठी भोळा । राहतो नेहमी ।
- ठेवणार कमी । काही नाही ।।
- दोन शब्द बोला । सर्वांशी प्रेमाने ।
- मिळाला भाग्याने । नर देह ।।
- बघू शकतोस । कामात देवाला ।
- तुझ्या कर्तव्याला । जाग आधी ।।
- आईबाप देव । मानून जगतो ।
- आनंदी दिसतो । तोचि सदा ।।
- पैशाने सन्मान । मिळणार नाही ।
- फिरलास दाही । दिशा जरी ।।
- धरून चरण । सेवेमध्ये जग ।
- आईस बिलग । बाळासम ।।
- जगासासाठी मोठा । कितीही झालास ।
- मनात गर्वास । पाळू नको ।।
- नित्य असशील । आईसाठी सान ।
- कितीही महान । झाला जरी ।।
- आईबाप सुखी । ज्यांचे असणार ।
- देव बघणार । त्यांच्याकडे ।।
- अजु योग्य मार्ग । सेवेमध्ये फक्त ।
- पालकांचा भक्त । बन वेड्या ।।
- -अजय रमेश चव्हाण,
- तरनोळी, ता.दारव्हा,जि.यवतमाळ
- मो.८८०५८३६२०७