कसा पावणार देव..…?

बाप बोलता बोलता

गेला नयन मिटून ।

तुझ्या चेहऱ्याला वेड्या

डोळ्यामध्ये साठवून ।।

किती निर्लज्ज झालास

किती झाला अपराधी ।

तुझ्या बोलण्यामुळेच

त्याला लागली समाधी ।।

ओरडत गेला त्याला

किती केली शिवीगाळ ।

कसा पावणार देव?

करुनिया जपमाळ ।।

कोण बापाविना सांग

तुझे लाड पुरविले? ।

रानोवनी भटकून

कोण तुला जगविले? ।।

घाम गाळला बापाने

तुझ्या सुखासाठी सदा ।

तुला प्रिया बापापेक्षा

आहे संपत्ती संपदा ।।

किडे पडतील बघ

तुझ्या तोंडात नक्कीच ।

तुलासुद्धा बोलतील

अरे लेकरे तुझीच ।।

शब्दसखा-अजय रमेश चव्हाण,

तरनोळी
ता.दारव्हा, जि.यवतमाळ
मो.८८०५८३६२०७