मी लिहीणार आहे !

माझी कविता कुणाला आवडो नावडो

तरीही मी लेखनी माझी झिजविणार आहे

नव रोपट्यांना मी जपणार आहे

मनात उठणारे अगणित प्रश्न 

मी वाचकांच्या पुढ्यात ठेवणार आहे .

ज्यांचे प्रश्न त्या कानापर्यंत पोहचत नाही

तोपर्यंत शब्दांना स्वस्थ बसू देणार नाही 

अव्याहत मी खर्डे घासणार आहे .

खोकल्या व्यवस्थेशी थोडा भांडणार आहे

माझ्या कवितेला नकोत

कुणाचे पुरस्कार नि बक्षीसी

फक्त दाबलेला आवाज बुलंद करून

चारचौघापर्यंत पोहचाविणार आहे .

समाजाप्रती माझं उत्तरदायीत्व समजून 

मी लिहीत राहणार आहे

आक्रोश वंचितांचा शब्दबद्ध करणार आहे .

जागृतीचा वणवा थोडासा पेटविणार आहे

न्याय मिळो न मिळो त्यांना

किमान गल्लीतील आवाज

दिल्लीच्या दिशेने पोहोचविणार आहे . 

यासाठीच लोकहो मी लिहीणार आहे .

- अरुण विघ्ने