मुंबई : मुंबईचे माजी पोलिस आयुक्त परमबीर सिंह यांना चांदीवाल आयोगाने मंगळवारी ५ हजारांचा दंड ठोठावला आहे. राज्याचे माजी गृहमंत्री अनिल देशमुख यांच्यावरील भ्रष्टाचाराच्या आरोपांची न्यायालयीन चौकशी नवृत्त न्यायमूर्ती चांदिवाल समिती करत आहे. परमबीर सिंह यांनी आयोगासमोर निर्देश देऊनही अद्याप प्रतिज्ञापत्र न दिल्याने केल्याबद्दल हा दंड आकारण्यात आला. दंडाची ही रक्कम मुख्यमंत्री कोविड मदतनिधीत जमा करण्याचे आदेश आयोगाने जारी केले आहेत.
सचिन वाझे यांनाही मंगळावारी चांदिवाल आयोगापुढे हजर करण्यात आले होते. आयोगाने समन्स बजावून सचिन वाझेंना जबाब नोंदवण्यासाठी हजर राहण्याचे आदेश दिले होते. त्यानुसार सचिन वाझेंना आयोगासमोर हजर करण्यात आले. मात्र वाझेंनी आयोगापुढे अर्ज करत जबाब देण्यासाठी वेळ मागून घेतली. हा अर्ज स्वीकारत आयोगाने त्यांना ५ जुलैपर्यंतची मुदत देत त्यादिवशी त्यांना पुन्हा आयोगासमोर हजर करण्याचे निर्देश जारी केले आहेत. अँटिलिया स्फोटक आणि मनसुख हिरेन मृत्यूप्रकरणी मुंबई पोलिस दलातून बडतर्फ अधिकारी सचिन वाझे सध्या न्यायालयीन कोठडीत आहेत.
मुंबईचे माजी पोलिस आयुक्त परमबीर सिंग यांनी राज्याचे माजी गृहमंत्री अनिल देशमुख यांच्याविरोधात गंभीर स्वरूपाचे आरोप करत एक पत्र लिहिले आहे. हे पत्र जाहीर होताच राज्यातील राजकीय वातावरण ढवळून निघाले होते. अनिल देशमुख यांनी सचिन वाझे यांना महिन्याला १00 कोटी रुपये वसुलीचे टार्गेट दिल्याचा गंभीर आरोप यातून केलेला आहे. या प्रकरणानंतर अनिल देशमुख यांना आपल्या पदाचा राजीनामा द्यावा लागला होता. याप्रकरणी हायकोर्टात दाखल झालेल्या याचिकेची दखल घेत कोर्टाने सीबीआय चौकशीचे आदेश दिलेत. तर या आरोपांची समांतर न्यायालयीन चौकशीही केली जात आहे.
मुंबई हायकोर्टाचे नवृत्त न्यायमूर्ती चांदीवाल हे या प्रकरणाची चौकशी करत आहेत.
Contents hide