मोर्चा ...!

आता लय झालं भौ नाटक

आमच्या मालाले भाव द्या

कास्तकारीचा खर्च निंघन

येवळा तरी हमी भाव द्या !

लय काळले मोर्चे ,आंदोलनं

पन भाव नाई मिळत कायनं

भाले करू धुर्याच्या गवताचे

बस झाले आमरन उपोषनं !

आता कास्तकार येकटा नाई 

त्याच्यासंगं मोर्चात आमी येवू

गाई ,म्हैसी,बैलं, झाळं-झुळपं

तरी त्याले न्याय मिळवून देवू !

तुमी आमचे टिकास, पावळे 

सब्बल अवजारं पायले नाई 

शिंगाचे करू भाले, तलवारी

खुरीचे मार तुमी खाल्ले नाई !

आता संभाया तुमच्या ढे-या

अन् टेबलाखालचे भ्रष्ट हात

पुळं करा योजनाच्या फाईली

आईकनार नाई कोनती बात !

आमच्यावर तुमचा कोनताच

कायदा काम  करनार नाई

आमाले कोंडनारा कोनताच 

जेल अजून तरी बनला नाई !

बी बियानं मिरगाच्या आंदी

बळीच्या घरी आलं पायजे 

समजून घ्या निसर्गाचं चक्र 

जेगातले लोकं जगले पायजे !

जगवाचं असीन सार्यायले तं

आमचा बाप पिकवन मोती

पन थ्याकरता लागनारा खर्च

द्या लागन नगदी त्याच्या हाती !

- अरुण विघ्ने

रोहणा,आर्वी