• Wed. Jun 7th, 2023

अर्पण

    गझलेस मी केले जसे अर्पण मला…
    जगण्यास सुंदर भेटले कारण मला…
    तू गप्प बसण्याचे किती घेशील रे ?
    ऐकायचे नाही तुझे भाषण मला…
    दुनियेस या दोषी उगा मानू कसा ?
    माझेच येथे भोवले ‘मी’पण मला…
    फेटाळता आली न हळवी आर्जवे,
    कळलेच नाही लाघवी शोषण मला…
    आश्वासनांच्या तोरणावर भाळलो,
    छळते अता सत्ते तुझे धोरण मला…
    होतो कसा,झालो कसा,काळासवे?
    हा प्रश्न छळणारा करे दर्पण मला…
    मी वास्तवाच्या विस्तवाचा सोबती,
    सांगू नको ते पुस्तकी श्रावण मला…

    संदीप वाकोडे

gauravprakashan1@gmail.com

Maharashtra News, Braking News, Marathi News, Most Popular Marathi News, Latest Marathi News,Today News,Marathi Article, Marathi Poem, Marathi Story,

Leave a Reply

Your email address will not be published. Required fields are marked *