मुंबई : बॉलिवूडमधील प्रसिद्ध चित्रपट निर्माता करण जोहरने बॉलिवूडमधील अनेक स्टारकिड्सला लॉन्च केले आहे. अलिकडच्या काळात चित्रपटसृष्टीतील बहुतेक कलाकारांच्या मुलांनी करण जोहरच्या चित्रपटामधूनच बॉलिवूडमध्ये पाऊल ठेवलं आहे. आता करण जोहर आणखी एक स्टार किड पडद्यावर घेऊन येणार आहे. ही स्टार किड दुसरे कुणी नाही, तर संजय कपूर यांची मुलगी शनाया कपूर आहे. करण जोहर आपल्या धर्म कॉर्नरस्टोन एजन्सीच्या माध्यमातून नवीन चेहर्‍यांची ओळख करून देतो. सोशल मीडियावर पोस्ट शेअर करुन याबाबत करण जोहरने ही माहिती दिली आहे. शनाया लवकरच धर्मा प्रोडक्शनच्या चित्रपटातून बॉलिवूडमध्ये पदार्पण करणार असून, तिचा एक व्हिडीओही सोशल मीडियावर पोस्ट करण्यात आला आहे. जुलै महिन्यात हा चित्रपट येणार असल्याचं वृत्त आहे. धर्मा प्रोडक्शननं ट्विटर हॅण्डलवरही शनायाचा व्हिडीओ ट्विट केला आहे. शनाया लवकरच पडद्यावर पदार्पण करणार असल्याची माहिती ट्विटमधून देण्यात आलेली आहे.
सुशांत सिंह राजपूतच्या निधनानंतर करण जोहरवर नेपोटीझमचा आरोप झाला होता. त्यावरून सोशल मीडियावर करणला ट्रोलही करण्यात आलं होतं. सातत्याने होत असलेल्या ट्रोलिंगमुळे त्या काळात करण काही दिवस सोशल मीडियापासून दुर गेला होता. फेब्रवारीमध्येही करणने धर्मा प्रोडक्शनच्या माध्यामातून चार चेहर्‍यांची ओळख करून दिली होती. या चार कलाकारांची झलक सोशल मीडियावरही शेअर करणने एक पोस्ट शेअर केली होती. भारतीय चित्रपटसृष्टीत आम्ही नेहमीच नव्या चेहर्‍यांना पाठिंबा दिला आहे. मग तो दिग्दर्शक असो, अभिनेता असो की संगीतकार या सर्वांनी आता इंडस्ट्रीमध्ये आपली वेगळी ओळख निर्माण केली आहे, असे करण त्यावेळी म्हणाला होता. नेपोटीझमच्या आरोपानंतर करणने हे चेहरे लाँच केले होते.
