सूर्य शक्तिमान….…

सूर्याची किरणे । मोफत सर्वांना ।

हवी आहे ज्यांना । मिळणार ।।

प्रभात समयी । त्वरीत उठणे ।

सूर्यास करणे । नमस्कार ।।

मग बघा सूर्य । शक्ती किती देतो ।

रोगराई नेतो । फार दूर ।।

त्यांच्या कृपेमुळे । सृष्टीत जीवन ।

करतो जतन । जीवसृष्टी ।।

सूर्य शक्तिमान । सूर्य प्राणदाता ।

सूर्य आहे त्राता । जाण ठेवा ।।

सूर्यात क्षमता । सृष्टी जाळण्याची ।

गर्व हरण्याची । क्षण मात्रे ।।

म्हणून सूर्याला । राग नका आणू ।

त्यास नका जाणू । ताऱ्यासम ।।

अजु म्हणे सूर्य । खराखुरा देव ।

तोच एकमेव । प्रकाशित ।।

©️®️शब्दसखा-अजय रमेश चव्हाण,

तरनोळी

ता.दारव्हा,जि.यवतमाळ

मो.८८०५८३६२०७