- सूर्य जगवतो । सूर्य पेटवतो ।
- सूर्य मिटवतो । तिमिरास ।।
- रवी,दिनकर । नाम शोभे फार ।
- विश्वाला आधार । त्याच्यामुळे ।।
- नाही घेत काही । सदा देत राही ।
- अंग लाही-लाही । तोच करी ।।
- आपल्या कर्मास । सूर्य प्रामाणिक ।
- आहे सर्वाधिक । महत्वाचा ।।
- नाही दिसणार । कधीच प्रकाश ।
- भास्कर हताश । झाला जर ।।
- सृष्टीत तिमिर । सर्वत्र दिसेल ।
- जीवन संपेल । क्षणार्धात ।।
- सूर्य आहे देव । सूर्य तारणारा ।
- स्वार्थ त्यागणारा । तोच खरा ।।
- सूर्यनमस्कार । कर प्रातःकाळी ।
- लावूनी कपाळी । माती वेड्या ।।
- अजु हेची आहे । सकाळचे कर्म ।
- पाळुनीया धर्म । जग सदा ।।
- शब्दसखा
- -अजय रमेश चव्हाण,
- तरनोळी, ता.दारव्हा,जि.यवतमाळ
- मो.८८०५८३६२०७
Contents hide