माझ्या भीमाच्या संसाराला

रमाई ची साथ होती

स्वाभिमानी ती वीरश्री

अखंड तेवणारी वात होती

शिक्षणाची तळमळ मोठी

तिने जवळून पाहिली

भिमासाठी आधार बनुनी

रमाई पाठी उभी राहिली

परदेशासी भिमराव जाता

धैर्याने ती लढत राहिली

नऊ कोटी दलितांसाठी

चंदनसम झिजत राहिली

भुकेल्याला घास भरवूनी

स्वत: मात्र अर्धपोटी

उन्हातान्हात राबत होती

पतिव्रता ती भीमसाठी

दुष्काळाचा दाह सोसूनी

दिनरात ती कष्टत होती

माळरानी जशी बाभळ

बंधावरती तिष्ठत होती

त्यागाची अन् धैर्याची

मूर्तिमंत ती देवता

कोटी कुळांची उद्धारिनी

महान माझी रमाईमाता

कोटी कुळांची उद्धरिनी

महान माझी रमाईमाता..!!