आनंद या जीवनाचा

प्रत्येक क्षणी जगावा

निर्मळ झऱ्यासारखा

गुणगुणत वहावा..

आनंद या जीवनाचा

इंद्रधनू सारखा खुलावा

सुरात सूर मिसळुनी

अलगद हवेत तरंगावा..

आनंद या जीवनाचा

खळखळून हसण्यात असावा

दुःखात वाटेकरी होऊनी

दुसऱ्यासही आनंद द्यावा..

आनंद या जीवनाचा

नात्यांच्या संगतीत असावा

अमूल्य असे हे जीवन

एकाकीपणात न संपावा..

आनंद या जीवनाचा

देवाच्या चरणी लीन असावा

सत्संगसेवा करुनी

जीवनाचा शेवट गोड व्हावा..

Contents hide

सौ.कोमल तुषार शिंदे,

धुळे.

Post Views: 11