अमरत्व नाही…….

टाळता येईना । मृत्यु कोणालाही ।

अमरत्व नाही । कोणासही ।।

देह अपराधी । मनास यातना ।

ताब्यात रसना । नाही आता ।।

कित्येक माणसे । बेघर झालीत ।

ज्यांनी नियमित । द्वेष केले ।।

काळापुढे कधी । कोणाचे चालेना ।

दुःखात हसेना । कोणीपण ।।

रागात रहाणे । मांस,मच्छी खाणे ।

ऐकायचे गाणे । बिनकानी ।।

वासना शिरली । युवकांच्या मनी ।

आयुष्याचा धनी । विसरलो ।।

अशाने प्रगती । होणारच कशी? ।

लागली बुरशी । मनी जर ।।

एक होऊनिया । एक मार्ग धरू ।

जीवनी सुधरू । आतातरी ।।

प्रगतीचा विडा । चला उचलूया ।

समृद्धी आणूया ।देशामध्ये ।।

अजुचे म्हणणे । ऐका आजतरी ।

वसतो श्रीहरी । एकोप्यात ।।

शब्दसखा-

Thank you for reading this post, don't forget to subscribe!

अजय रमेश चव्हाण,

तरनोळी, ता.दारव्हा,जि.यवतमाळ

मो.८८०५८३६२०७