राजमाता माँ जिजाऊ

शिवबाची गुरु । शिवबाची माता ॥ प्रकाशाच्या वाता । पेटविल्या ॥

धैर्यशील माता । स्वराज्य प्रेरक ॥ ध्यानीमनी एक । ध्येयवाद ॥

शिवबा संभाजी । जिजाऊ संस्कार ॥ करी तलवार । तरबेज ॥

संस्कार सुंदर । आदर्श जीवन ॥ शिवबाचे मन । घडविले ॥

मुलामुलींवर । जिजाऊ संस्कार ॥ थोर ते विचार । आचरावे ॥

प्रजा नि मावळे । स्वराज्याचे धन ॥ शिवबाचे तन । घडविले ॥

मायाळू ममता । तन कणखर ॥ खड्गाचे वार । करितसे ॥

सिंदखेड राजा । एक मातृतिर्थ ॥ जीवनाचा अर्थ । कळतसे ॥

शंभुशिवबांची । वात्सल्याची मूर्ती ॥ गाऊ सर्व किर्ती । जिजामाता ॥

राज घराण्याची । जिजा राजमाता ॥ पेटविल्या वाता । सुराज्यात॥

स्मृतिंना मूंल्यांना । जपावे आपण ॥ घडवावे जन । जीवनात ॥

त्याग समर्पण । भाव मूर्तिमंत ॥ प्रेरणेचे स्त्रोत । जिजामाता ॥

संपविले भेद । समतेचे राज ॥ बंधुतेचा साज । स्वराज्यात ॥

स्वराज्य रक्षण । नीती अधिष्ठान ॥ कर्माचा सन्मान । दरबारी ॥

जन्मदिनी आज । करितो नमन ॥ कराने वंदन । कोटी कोटी ॥

महात्मा जोतीराव फुले राजस्तरीय आदर्श शिक्षक पुरस्कार प्राप्त

कवी, लेखक

-प्रा. अरुण बाबारावजी बुंदेले

रुख्मीणी नगर, अमरावती.

भ्रमणध्वनी : 8087748609

Post Views: 12