Skip to content
समाज सेवक । सेवेचा वाहक ।
अंगी सेवा भाव । कृती युक्त गाव ।
घेती सारे नाव । कर्मामुळे ।।
जनहिता पुढे । सोडवितो कोडे ।
योग्य तेचि धडे । देई लोकां ।।
सेवेचाच ध्यास । गुण शोभे खास।
सेवारूपी दास । या सृष्टीचा ।।
सेवेसाठी जगे । आदर्शाने वागे ।
नच पाही मागे । कदापिही ।।
सकल कल्याणा।राबतो हा राणा।
त्याग कार्य जाणा । सर्वजण ।।
लोभ,स्वार्थ सोडी। लावी सेवा गोडी ।
उंची नाही थोडी । सेवकांची।।
मनुष्यच तोही । अन्य काही नाही।
कीर्ती दिशा दाही । परी त्याची।।
शब्दांची चादर । युवा वाही ।।
Like this:
Like Loading...
