मिसाईल मॅन

आयुष्यभर सेवा केली

निस्वार्थपणे देशाची

सारंच दान करून गेले

नव्हती हाव कशाची

गाडी नाही बंगला नाही

नाही घेतली शेती वाडी

कपाट भरून पुस्तकाची

एवढीच शिल्लक माडी

झोपेत पडणारी स्वप्ने

खरी कधीच नसतात

डोळे बंद असतानाही

झोप लागू देत नसतात

अग्निपंख पसरूनिया

अंतरिक्षा गरुड भरारी

अग्नी एक दोन तीन

स्वभावच होता करारी

बहुमोल असा हिरा होता

होता खरा भारत रत्न

समजून घ्यावा अब्दुल

वाचण्याचा करावा यत्न

भारताचा मिसाईल मॅन

आझाद देशाचा कलाम

चला मुलांनो करूयात

वाचन प्रेरणा दिनी सलाम

-पी के पवार

सोनाळा बुलढाणा

९४२१४९०७३१

—–