छत्रपती शाहू।राजाच्या रुपात।
जन्मले ग्रामात।कागलात॥१॥
शाहुंचे संस्थान।एक कोल्हापूर।
कार्य सर्वदूर ।भारतात॥२॥
पेटवून दिली।प्रकाशाची वात।
तिमिराची रात। संपविली॥३॥
बोले तैसा चाले।कर्ते सुधारक।
प्रजेचे नायक। कर्मानीच॥४॥
छत्रपती शाहू।सर्वाना शिक्षण ।
बोर्डिंग स्थापन।संस्थानात॥५॥
आरक्षण दाते ।पहिलेच राजे।
बहुजन राजे। कोल्हापुरी॥६॥
शाहुंच्या कार्याला।करितो नमन।
करांनी वंदन।कोटी कोटी॥७॥
– प्रा.अरुण बाबारावजी बुंदेले,
अमरावती(महाराष्ट्र).
भ्र.ध्व.:-८०८७७४८६०९.
Email ID :-arunbundele1@gmail.com
