घायाळ..!

गोठ्यात विव्हळते गाय

घायाळ तिची वासरे

हतबल झाले हात पाय

क्षण सुखाचे संपले सारे

कसा खुपसला सुरा

माझ्याच वारसाने

क्षणिक सुखाच्या मागे

माखलेस हात रक्ताने

मारेकरी कसा तू

भावनांचा खून केला

शस्त्रावीणा गड्या तू

हल्ला कठोर केला

माझी मला वाटे लाज

पीला माझाच पान्हा तू

सख्खा भाऊ पक्का वैरी

असा कसा झालास तू

कुपोषित होता म्हणून

पोसला तुला प्रेमाने

वाटेकरी तू असा कसा

सुख भोगतो एकट्याने

अंत आता निकट आला

ठेव लाज या कुसेची

टाक हत्यार आता

का घेतो हाय साऱ्यांची

-सौ. शितल राऊत

अमरावती

(Images Credit : jagran)