कोजागरी च्या औसरी

एका पाठोपाठ आल्या

अमृताच्या चंद्रसरी

अशी रात ग कोणती

शरदाची कोजागरी॥धृ॥

आल्या सार्या चंद्रसरी

पहा माझ्या धरेवरी

घरा-दारात अंगणी

माझ्या नाचल्या ओसरी॥१॥

केशराच्या दूग्धावरी

सार्या नाहल्या सुंदरी

सार्या नाहल्या सुंदरी

जलकुंभ स्नानापरी॥२॥

मला भासल्या नाचल्या

चंद्रसरी दुग्धपरी

हासू चांदीचं हासल्या

औतरल्या भुवरी॥३॥

हासू पाहून पाहिली

खुशी वसुधा अधरी

हासू चांदीचं हासली

माझी वसुधा सुंदरी॥४॥

चंद्रसरीत भिजली

चिंब माझी शब्दसरी

आली स्वागता धरेच्या

कोजागरी च्या औसरी॥५॥

-निसर्गसखी सौ.मंगला मधुकर रोकडे*

“शब्दसृष्टी”, मास्तरवाडी,नेहरु नगर,

देवपूर, धुळे.

दूरध्वनी क्र. ९३७१९०२३०३.

[मांगल्याचा झरा प्रकाशित कविता संग्रहामधून. …]

—–