अशोक विजया दशमी !

सावली झालीस दीक्षाभूमी !

तुझ्या कुशीत विसावतांना

माणुसकीची महाऊर्जा मिळते

जातांना प्रज्ञेची शिदोरी

डोक्यात घेऊन जात असतो

तुझी प्रेरणा डोक्यात आहे तोवर

परिवर्तनशील

मार्गानेच प्रवास करीत असू

पुन्हा गत काळोखाच्या

मार्गावर कधीच वळणार नाही …!

आमचं टकुरं कुणी कितीही

फिरविलं ,तरी आता ते फिरत नाही

बुद्ध- भीमाचे परिवर्तनशील विचार सोडून

आता आम्हाला दुसरं काहीच कळत नाही !

आता तुच आमची प्रेरणा

तुच जगण्याची ऊर्जा

तुच आमची युद्धाशाळा

आणि तुच आमची क्रांतीज्वाळा,

धम्मचक्र प्रवर्तन हेच

आम्हास मिळालेलं महादान आहे !

अरुण विघ्ने

—–